شبِ زوال کو وہ انقلاب لکھتا رہا
بزمِ روحِ ادب میں کہی گئی ایک طرحی غزل
شبِ زوال کو وہ انقلاب لکھتا رہا
ورق پہ آگ کے لفظِ گلاب لکھتا رہا
جسے خرابئ گلشن کا کچھ لحاظ نہیں
شکستہ گل اسی آتش کو آب لکھتا رہا
خرد میں گل کے سمائی یہ کیسی بے نوری
کلامِ خیر کو وہ بس عتاب لکھتا رہا
ہے باغباں کی ہدایت یا گل کی مجبوری
شکستگی کو محض آب و تاب لکھتا رہا
بقائے گل ہی گلستاں کی اصل ہے مومنؔ
اسی لیے میں چمن کو گلاب لکھتا رہا
